Wellcome
 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 الفرق بيني وبين نيوتن تعالو بسرعة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
anwer
مشرف
مشرف
avatar

عدد الرسائل : 550
العمر : 28
الاوسمة :
الدولة :
تاريخ التسجيل : 23/09/2007

مُساهمةموضوع: الفرق بيني وبين نيوتن تعالو بسرعة   الأحد فبراير 17, 2008 9:53 pm

كلولي شنو الفرق بيني وبين نيوتن
هسة هاي الحوادث الصايرة بية
ماصايرة باحد شوفو


بعد ساعات عمل متواصله . قرر نيوتن ان ينبطح امام المبرده لاخذ قسطا من الراحه . وبعد ان عثر على (الدوشك) ورتب ادوات القرطاسيه اللازمه للنوم واختار موقع مناسب للمخده.


.



....اجرررررب.......



.



.



فصلت الجوزه مال عشره امبير



.

فااستاء نيوتن كثيرا .واخذ يدردم على الوضعيه.و كلمعتاد (سحل) الدوشك في يد وشال المخده في الاخرى.. وبدا يفرفر بالشوارع بحثا عن مكان فيه نسمه هواء. فوصل الى احدى الاشجار... وقرر ان ينام تحتها....وبدء بترتيب الادوات مرة اخرى ومازال يودردمو (بالفصحى) ويندب حظه العاثر ويتسأل..




... ليش مجطلت على بيت ام عباس وكيلة الحصه التموينيه....


ثم انجطل مسترخيا محاولا النووم. وما ان بدء بحسب الخرفان (طكت) عبوة في (علوة المخضر)المجاوره (لتناكي) المي .ومن شده الخوف سقطت احدى التفاحات على (خشم) نيوتن . ومن هذه الحادثه المشهورة والمعروفه للجميع اكتشف نيوتن قوانين الجاذبيه الارضيه.

وتوضح هذه القصه فوائد الاصرار على النوم و(التنبله).. واعتقد انه هذا الشي (الوحيد) المشترك بيني وبين نيوتن.فلنا نفس الاصرار (على النوم) وتحدث لنا نفس الاحداث مع وجود فوارق بسيطه ....
فنيوتن ياخذ الدوشك للحديقه. واني اصعده حتى انام بلسطح .والفرق الثاني (والاهم) انه نيوتن واثناء نومه بلحديقه شاف (تفاحه) صغيره دتوكع. بس اني واثناء نومي بلسطح شفت (قذيفه) هاون ددتوكع على سطح الجيران .ومثما اكتشف نيوتن الجاذبيه الارضيه .اني اكتشفت انه سطحنا يبين ناصي بس اذا اتجيت من عنده تنكسر رجلك...............(طبعا من الفزه راسا طفرت بدون تفكير).
وكانت حادثه القذيفه الشنيعه سبب فراقي الطويل عن سطح المنزل.وكمت بس اشوف درج السطح اتذكر شكل القذيفه من دتوكع وراسا يغمى عليه وتوكع سنوني.... وصارلي 3 سنين مواصله....



.



ولكن شاءت الاقدار ان تجمعنا مره اخرى



.

لما كونتو في الحديقه امارس هوايتي في (مراقبه نمو النخله) وعلى زقزقه اصوات مولدات التايكر.. وريحه البانزين الي تسطر.. وتحت ضياء اشعه القمر الرومانسيه المنعكسه على مياه المجاري (الطافحه) .....عكر صوت غريب هذه الاجواء الخلااااااااابه .....(زيييييييييييييييييييييييط ) واكتشفت انه صوت فتح شباك المطبخ... ينرادله (دهن غريز)..واذا برأس غريب يخرج من الشباك ويصرخ قائلا...




ولك عبدالله اطلع عدل الدش مدا يستلم اشاره





فوقفت جالسا من الفزززه.......


هلااااااااااااااو ..هيجي ابساطه اتقولوها...اصعد للسطح يعني.....ليش هيجي مو اني ابنكم الوحيد متصعدون انتوا لو تخافوووون.............

فاجاب الصوت قائلا.......لا مو قصه انخاف بس احنا راح نبقى هنا (جوه السقف) حتى انشوف الاشاره شنون تتغير............




يعني صدك يعني خوش حجه مقنعه عدهم ...


وبدء التخطيط للعمليه بحيث تستغرق اقل وقت ممكن . وباستخدام تقنيه (الكوكل ايرث) تم معرفه اقصر الطرق التي تؤدي الى (ال ان بي). وتم توفير بعض التجهيزات التي توفر الحمايه للحالات الطارئه مثل...




جدر (التبسي)



والطاوه



ومجموعه صواني.....



يعني مااكللكم عفت المطبخ فارغ..





وحبيت اسلم على الاهل لان احتمال اتكون اخر لحظه وياهم وكان الجواب...





درووح ولي عاد وين دتصعد قابل انته



.


وبعد انتهاء لحظات الوداع العصيبه ...انطلقت كا لــ (بزون) على السلم.. وفي لحظات التقيت (بشتايكرات) السطح ....وحسيت باحساس غريب ..يمه هاي ماكو سقف فوكايه.. وشفت حركه غريبه على سطح الاسواق المركزيه الي كبالنا (القاعده الامريكيه يعني) فتسألت .....




هذااا شنووووو هنااك



.



هاااا جنددددددددددددي



.



زين هذااااا اشايل بيده



.



هاااااااااااااااا قنااااص



.



زين ليش حاطه ابوووجهي



.



.



.



.



عززززززززززززززززززززززززززززززززززززززززه



.


وراسا وبسرعه سريعه مسرعه ركضت على الدش حاملا جدر التبسي بوجه القناص وكلت خلي افضها الشغله كبل ميصير اعصاب....ومااشوف الا وفد جسم غريب عثرت بيه (مو عثرت انجبحت ابصراحه) وكلت اهووووووووو هسه وكتها ...بس شنو هذااا... لا والله.. دشبووووووول مال برازيلي . زين اشجابه ابسطحناا ...وفوكاها مابي (جكمجه)... وبذكائي الخارق كلت اكيد هاي من طكت المفخخه ابراس الدربونه طار الدشبول للسطح....مادري بعد...المهم وره الوكعه خفت اكووم لانه جدر التبسي فلت من ايدي و ادعبل وراح الذيج الصفحه وبقيت (اعزل ماعندي سلاح) فبقيت ازحف واقاوم بكل شجاعه (اني ماانتصر ..استسلم او اموت) الا ان وصلت للقاعده مال دش ..وبكل بساله طلعت (البلايس )من جيبي وربط الفيشه.وتمت المهمه المستحيله.. وحسيت يعني نفسي فد شخصيه..عبالك انتصرت بلحرب.بحيث كلشي بعد ميخووفني ..وكفت على طولي على حافه السطح ... وفتحت ذراعي في الهواء.....(الي شافني اكيد اتذكر تايتنك).. وحسيت نفسي ملك العالم ..وصرخت صرخه الانتصار بوجه القاعده الامريكيه...




نياااااااااااااااااااااااا...


بحيث القاعده انهزت هز....وفي هذه الاثناء هبت رياح خفيفه سببت بسقوط احد جلكانات البانزين.فكان الناتج اصدار صوت مشابه لصوت .......




طوووووووووووووووب


فراسا ولا اراديا سويت (كونكشن) بين هذا الصوت وصوت القذيفه القديمه .فكان الناتج ..طفره نفس الطفره الاولى سبحان الله..و وكعت على نفس المكان بلظبط بلظبط...

وحاليا الاهل ديقنعوني اصعد مره لخ .....صدك نسيت اكللكم ..مو نسيت جدر التبسي بلسطح..جنا انسوي بيه دولمه بس تووووبه اعيدها شكد ميلحون..



.



ملازم ماريد دولمه.


بس الي قهرني ورة كل هل تعب طلعت محرك دش المطبخ موالهوول...(يعني فوك مااسوي واحد ..خربت الثاني )....


وهسه حاليا مكابلين القنواة الارضيه وكاعدين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://anwermaher.jeeran.com
dlshad_gaf
مشرف
مشرف


عدد الرسائل : 185
العمر : 26
الاوسمة :
الدولة :
تاريخ التسجيل : 19/09/2007

مُساهمةموضوع: رد: الفرق بيني وبين نيوتن تعالو بسرعة   الأحد فبراير 17, 2008 10:08 pm

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://al-rafidain-college.almountadaalarabi.com
Freia
المدير العام
المدير العام
avatar

عدد الرسائل : 872
العمر : 33
الاوسمة :
الدولة :
تاريخ التسجيل : 19/09/2007

مُساهمةموضوع: رد: الفرق بيني وبين نيوتن تعالو بسرعة   الإثنين فبراير 18, 2008 12:47 pm

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://al-rafidain-college.almountadaalarabi.com
الورده الحمراء؟
مشرفة
مشرفة


عدد الرسائل : 88
العمر : 28
الاوسمة :
تاريخ التسجيل : 06/03/2008

مُساهمةموضوع: رد: الفرق بيني وبين نيوتن تعالو بسرعة   السبت مارس 15, 2008 12:15 am

هههههههههههههه
الف شكر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.yahoo.com
حمودي
عضو نشيط
عضو نشيط


عدد الرسائل : 51
احترامك لقوانين المنتدى :
تاريخ التسجيل : 15/03/2008

مُساهمةموضوع: رد: الفرق بيني وبين نيوتن تعالو بسرعة   الجمعة مارس 21, 2008 5:11 pm

الموضوع كليش حلو اموني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الفرق بيني وبين نيوتن تعالو بسرعة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
AL-RAFIDAIN UNIVERSITY :: قـسـم النكـات والتحشيشـات :: التحشيشـــــــات-
انتقل الى: